41歲楊思琦現時陀B七個月但仍樂於工作，今日她身穿白色娃娃裝腳踏四吋高踭鞋工作，在尖沙嘴為保健產品專賣店主持開幕禮，囡囡楊卓穎（Krystal）亦有前來。
思琦手腳依然纖幼，坐下來接受訪問，她坦言：「呢排好易攰，休息多咗，食完嘢之後寶寶就會叫我瞓覺，每日都午睡大約兩個鐘，好瞓得，進賬咗好多（指體重）。」思琦仍然貪靚踩高踭鞋活動自如，並說：「行得遠就未必得，始終肚開始大，好重，尾龍骨同膝頭哥負荷重。」並表示老公放心她外出工作，偶爾還會在家替她按摩，思琦說：「唔知點解好容易抽筋，頻率好高，囡囡見到我抽筋會好驚，因為我一痛會大叫，但佢都好乖會幫我按摩，好懂事。」
陀B已經七個月，思琦十分眷戀這種感覺，她說：「好鍾意肚裏面BB踢吓郁吓種感覺，一個小生命喺肚中好奇妙，雖然已經第二胎，但相對當時家姐冇咁活躍。」思琦仍然保持神秘，未肯透露BB性別，近日開始挑選嬰兒用品，但還未開始佈置嬰兒房間，可以由老公出手？思琦說：「我想親力親為。」而近日有簡單工作亦會出席，不會設停工限期，喜歡熱鬧感覺。
採訪、攝影：卓寶花
|
鍾意就快D Share啦！
|
|
|
