2019年12月19日星期四

【頭條獨家】42歲Fit過做女嗰陣黎淑賢食電子煙食得好鬼祟 __,黎淑賢,

【頭條獨家】42歲Fit過做女嗰陣黎淑賢食電子煙食得好鬼祟

食飽飯，Bonnie食返支電子煙，不過食食吓發現鏡頭即走人。

95年亞姐季軍黎淑賢(Bonnie)好厲害，雖然42歲又生咗四個仔，但身形仲Fit過選亞姐嘅時候。為咗湊仔，Bonnie好早已淡出幕前，話咁快大仔Jacky已經20歲，但二至四公子分別13、11及7歲，年紀尚輕仲未甩到身。上周二下晝，Bonnie同一男一女友喺銅鑼灣開餐，食飽嚟一個事後電子煙，食食吓發現記者，Bonnie好驚即刻埋單走人。採訪:梁志明

Bonnie今年42歲生日，美容醫生老公許智政為佢舉行生日Party，有一班好朋友賀佢之外，家中「4條King」，即是四個寶貝仔都在場同媽咪慶祝，有老公錫，囝囝又孝順，難怪愈嚟愈靚，愈大愈緊緻啦。

唔想畀人見到食煙

Bonnie雖然無再拍戲但有時間都會出席商業活動賺外快，平時除咗湊仔，一有時間就會去老公位於銅鑼灣間美容中心，話晒代言人，都要Keep住靚嘅。當日下晝2點，Bonnie同兩位友人去百德新街一間冰室食Lunch，坐Outdoor嘅佢飯後速歎支電子煙，吞雲吐霧間發現有鏡頭，Bonnie嚇到縮一縮又即刻埋單走，一路行一路搵鏡頭，再發現記者後眼神唔多友善，然後急急腳行返老公間美容中心。