掃呢頁CODE去手機

2019年12月19日 星期四

黃嘉樂:鐵馬家族咁就十年!黃嘉樂被爆女友專屬愛稱 __,黃嘉樂,

話咁快就過咗十年!藝人黃嘉樂日前踏入41歲,除咗獲女友送上驚喜之外,仲有一班圈中朋友為佢慶祝。當中包括馬國明、唐詩詠同林子善,佢哋因為合作拍攝無綫劇《 ...




話咁快就過咗十年!


藝人黃嘉樂日前踏入41歲,除咗獲女友送上驚喜之外,仲有一班圈中朋友為佢慶祝。當中包括馬國明、唐詩詠同林子善,佢哋因為合作拍攝無綫劇《鐵馬尋橋》而成為好友,劇中飾演兄弟姊妹嘅佢哋現實中都情同手足,呢份情唔經唔覺已經維繫咗十年!黃嘉樂晒出多張慶生相並留言:「生日飯敍又點少得佢哋呢!#鐵馬家族 #十年」而片段中仲見到林子善冧爆翹實黃嘉樂唱生日歌,期間更將黃嘉樂稱呼為「暴暴龍」,令壽星仔哭笑不得,女友Samantha亦出手推一推林子善「抗議」,唔通呢個係女友對佢嘅專屬愛稱?


李天翔送肉嘴


此外,黃嘉樂早前喺劇集《解決師》中飾演嘅小鳳,對「太子」李天翔有情有義,戲外二人都非常老友,日前李天翔亦有為好兄弟慶生,席上仲有陳少邦、杜飛龍等,而李天翔更送上肉嘴做禮物,Sweet到爆,仲留言大讚對方:「你真是獨一無二的❤️」

來源 source: http://hk.on.cc
鍾意就快D Share啦!