「為何你會前來道別…是否一種考驗…擇日再講…但願你當作行善」，失戀有時不用擇日，根據非正式統計，情侶分手高峯期是每年的聖誕節及情人節前夕，36歲歌手吳浩康（Deep）昨日接受訪問時，還說聖誕節要跟36G女友崔碧珈（Anita）放假慶祝，怎料昨晚崔碧珈忽然自爆「分訊」！
她在IG唏噓稱二人疑未能互相包容導致分手收場，更自言是一個重視感情的人，認為兩個人相處要互相包容，而不是要改變對方，「離開可能是一個新的開始」，希望明年他們各自加油，而吳浩康今早於IG大方承認分手。
吳浩康先感謝崔碧珈：「感恩和你一起的時間，我會好好珍惜亦有一件非常難忘的記憶，喺呢段時間裡面，可能我未能夠盡一個好男朋友的本份，因為我放了太多時間於工作而忽略了你，亦自知有不足，而不配為你的男朋友，我相信如果當我能有能力照顧好你之時，男人必需要有事業有能力。」
他亦暗示自己未能做到崔碧珈「理想男友」的要求，他希望日後有能力，就可以有緣與崔碧珈再一起走，「照顧好你，我衷心祝福你」，洪卓立及曾樂彤亦回應加油emoji表示支持。
之不過這段「深情文」反而惹前度崔碧珈反撃，崔碧珈先踩場到吳浩康的IG：「你想扮上進？講得咁漂亮，多謝你繼續說謊，我哋之間從來唔係因為工作，我哋都同居一年，亦唔係能力，唔好感恩，大話精，睜開眼睛説謊，你幾時有放好多心機喺工作？」最後崔碧珈在個人IG動態tag吳浩康，指責他講大話扮上進。
今日《蘋果》分別聯絡過吳浩康與崔碧珈，了解兩人分手原因，兩人均以WhatsApp回覆，吳浩康表示：「冇乜嘢回應了！謝謝！」而崔碧珈則寫：「唔係因為工作，佢從來工作上冇因為咁而忽略我，我哋同居左一年，時間見面上係冇問題嘅，但因為咩事，私人事情唔多加回應了，多謝大家關心。」
|
鍾意就快D Share啦！
|
|
|