2019年12月13日星期五

【頭條戲場】《飛翔吧！埼玉》亂咁嚟抗爭喜劇 __,

【頭條戲場】《飛翔吧！埼玉》亂咁嚟抗爭喜劇

百美同麗，兩人不打不相識，好快前者對後者已另眼相看。

香港人好鍾意去日本，咁你知唔知埼玉縣喺邊?有咩特產?吉祥物係咩?埼玉縣位於東京嘅北方，每年票選「夏天最想前往」定「冬天最想前往」地區，無海嘅埼玉都係全日本47縣中排行最尾。但講到「最難居住的城市」同「女居民貧乳」票選就得冠軍，而吉祥物係零知名度嘅埼玉鳩，特產就係日本周街都有嘅大蒽同米餅。導演玩謝埼玉人，但當地人無玻璃心，電影上映時，在埼玉縣的票房更超越東京成為全國縣份冠軍，埼玉人加油。(剛上映)撰文:廖思慧

電影改篇自同名漫畫，由擅於改編漫畫的日本導演武內英樹執導，將原著中埼玉被東京歧視的虛構世界搬上大銀幕，視覺系歌手Gackt飾演隱藏埼玉人身份，去到東京起義的美少男轉校生麻實麗，佢跟貴族學生會長，由二階堂富美反串飾演「偽娘」壇浦百美有一段可歌可泣嘅BL情。

不正常反抗手冊

咁究竟套戲講乜?講述飽受東京欺凌的埼玉人不堪羞辱，決心組織「埼玉解放陣線」揭開革命的序幕。埼玉縣落後如蠻荒地，當地人有「埼玉菌」，傳聞係致命病毒，但無人求証過。埼玉人要進入高尚嘅東京必須申請通行証，美男子麻實麗誓要撤銷通關制度，光復埼玉。套戲好癲，演員化妝同裝扮如睇緊寶塚歌舞劇團，劇情黐線，將歧視同身份認同嘅嚴肅問題搞笑地表達，導演完美地演繹認真地亂咁嚟嘅風格，好笑嘅，呢類癲嘢真係日本導演先拍得到。