反送中運動已經持續了半年，抗爭集會遍地開花，多次遊行最後都演變成警民衝突，警察濫用暴力導致示威者血流披面、倒地不起，警民關係因此而陷入一個前所未有的分裂局面。不過同一時間，坊間亦有不少人支持警察，例如就見過譚詠麟、鍾鎮濤和梁家輝等人出席撐警集會，結果有追隨譚校長多年的忠粉表示心碎，將收藏多年的黑膠碟踩爛以示不滿。
「荷蘭叻」陳百祥亦兩度到警總撐警，送上奶茶及燒鵝等慰勞警隊，今日又有藝人組團到警總送暖相被放上網！雖然今次他們低調行事，可惜最後被豬隊友出賣，將相片上傳到FB，即使秒刪相片、留言，但都已被其他人秒cap，而且更在網上瘋傳。事緣今日曹永廉一家、楊明、莊思明、莊思華、姚盈盈、前保安局局長李少光兒子李霖恩、李嘉、劉俐、洗國林與及朱庭萱一行多人，將一條藍底印有香港夜景兼寫上支持句子的banner送到警總，上面又印有「致PPRB各位勞苦功高的警務人員」字句，警方派出警察公共關係科高級警司江永祥、總警司郭嘉銓、謝振中等人接收。
其後有人將相片上載到FB並留言：「今天有藝人往警察總部為警察打氣！」結果有人留言叫上載者刪post，有份出席的朱庭萱更說：「班藝員係秘密探訪，唔出鏡㗎害死人喇！」接着她更連環出post：「Please deleted and don't forward out!!!!」、「醒啲好唔好呀！人哋嚟支持，你哋害死人！」、「Don't share Please.」亦有人提醒樓主：「你張相仲係公開的。」朱庭萱爆粗回覆：「Fxxk reply Please.」最後當然被瘋傳。
有網民說：「原來張相原本唔係公開㗎，大家唔好save唔好share呀！」亦有人到上載者FB留言：「好似你啲低學歷，低技能嘅社會渣滓，終於有貢獻社會嘅一日嚕，將你嗰班同樣中學畢業嘅電視小丑公諸於世，果然係最強嘅隊友！」、「做咩del post啫？撐警咁光榮嘅事做乜咁鬼祟呀？#晨早有人cap咗圖#你唔好下世先刪圖」、「你唔係豬到仲覺得今時今日撐警係一件光榮嘅事？」
|
鍾意就快D Share啦！
|
|
|