真正嘅結婚！
藝人孫慧雪出席活動，囝囝亦有到場支持。講到阿雪與老公趁結婚3周年，在教堂「再婚」，她笑言因為囝囝要做嬰兒洗禮：「做儀式時神父就話我哋結婚冇行禮，但老公係天主教徒，所以神父叫老公要告解，因為天主教嚟講唔當係結婚，所以要行禮先叫結咗婚。（老公咁大懵？）係囉，佢都唔知。」她又笑言為了行禮，要事前上4小時及3小時的婚姻輔導：「要重新了解婚姻嘅真諦，重新了解對方，但都好嘅，有幫助，原來我哋之前有啲諗法係唔熟悉。」
問到囝囝當日的感受？她笑言：「佢好唔開心，因為我哋坐前面，所以佢嚟咗前面坐我大髀。」她謂行禮自己亦很開心：「細個想有咁嘅儀式，依家好似圓滿咗咁，仲有囝囝參與好開心。」問到怎樣慶祝三周年？她就謂因為工作忙碌，但今日聖誕節，晚上就會與家人食飯，問到不親自下廚？她即笑言：「唔會！因為搞唔掂，又要買禮物畀屋企人，所以出去食抖下。」
來源 source: http://hk.on.cc
|
鍾意就快D Share啦！
|
|
|