繼港台與新城先後取消今年的樂壇頒獎禮後，商台上周三也宣佈取消原定下月1日舉行的《2019年度叱咤樂壇流行榜頒獎典禮》，共43個獎項可能改為DJ到唱片公司親身頒獎。雖然網民經常彈香港樂壇像一潭死水，不過今年不少網民希望《願榮光歸香港》能夠獲得「我最喜愛的歌曲」，關鍵在於昨日截榜時，《願榮光》能否登上「903專業推介」20強，可惜最終挑戰失敗，絕緣《叱咤》獎項。
其實為了讓《願榮光》入榜，何韻詩曾在fb教路提高播放率，商台DJ森美在《願榮光》正式派台前，也曾開咪講過揀歌門檻，他指：「譬如嗰首歌如果冇派台，係好難計入去叱咤。如果我哋DJ自己去搵首歌返嚟播，就唔叫派台歌，呢啲歌就唔會計落叱咤榜，要做咗派台嘅工作，咁先會計算。」《願榮光》上周才成功派台，派台時間比較短，即使獲逾13萬網民like爆支持，可惜最終依然未能上榜。
| | | |
女歌手勝算高
「我最喜愛的歌曲」將於明日至周五投票選出最後10強，之後再進行兩輪抗票。「我最喜愛的男歌手、女歌手、組合」最後五強已在上周一至周五完成投票，網民之前力谷勇於發聲的周國賢、方皓文及RubberBand，方皓玟更在網絡紅人King Jer舉行的民調中，遠遠拋離容祖兒及鄭秀文等前輩，甚有機會再奪「我最喜愛的女歌手」，並同時憑《人話》獲得「我最喜愛的歌曲」。
撰文：翁可人
|
鍾意就快D Share啦！
|
|
|