大陸人真係一個好「屈機」嘅存在，只要佢哋唔鍾意，幾牽強嘅理由都諗得到，玻璃心屈人撐港獨再打嘴炮講抵制例子多不勝數；只要佢哋喜歡，幾不能接受嘅事都可以自圓其說，例如撐警護旗手陳小春被懷疑送個仔Jasper去台灣讀書(應采兒否認)，如果係真，明眼人一睇就知咩事。不過，大陸人今次唔玻璃心、唔抵制，仲十分支持，因為佢哋認為「去台灣讀書完全沒問題，灣灣是中國不可分割的一部分。」真係分唔到真心定假膠。
早前有傳陳小春唔想Jasper留喺香港聞tear gas，但又唔返大陸讀書，於是被指送去台灣讀書。愛國愛得咁無骨氣，難怪被人睇唔起！喺台灣有「館長」之稱，熱心公益又鍾意喺網上評議時事嘅陳之漢，因為敢言頗受台灣網民關注，個人facebook帳戶有過百萬追蹤者。館長對於陳小春疑似「身體很誠實」相當不齒，喺facebook出post怒轟：「中共政協委員、港警護旗手，迫害香港學生民主自由，陳小春你全家滾回去中國。」
短短幾行字，喺不足24小時內，已經有約兩萬七千人畀like，逾千四人留言，二百次以上分享。留言嘅人，大部分認同館長，話陳小春：「護旗手的驕傲哪裡去了？」「挺港警，然後把兒子送來台灣，民主真香啊！」「陳小春的行為正正就是中國人的寫照。」「他只是剛好吃到香港黃金時代的一隻山雞而已。」「他們一家來了，日後就會多一家向中共賣台的人。」當然，總人有覺得「孩子是無辜的」、「應采兒是台灣人，條件符合沒問題」。
咪住先，香港人、台灣人點睇唔重要，陳小春班金主──大陸人點睇先係重點。會唔會有人怪佢唔送個仔北上，然後話佢假愛國、睇唔起大陸㗎？的確有，但屬少數：「為什麼去台灣上學？台灣教科書沒有中國歷史了，只有台獨課綱。來大陸多好，讓兒子在大陸讀書唄！」而且，其他同胞只要講一句「台灣是中國的一部分，去台灣讀書怎麼了？你這是分裂祖國」，然後就無咩人再敢講去台灣讀書有問題了。況且，其實好多人只在乎Jasper喺台灣有外公外婆可以幫手照顧，反而喺大陸返學無人接送，似乎唔認為佢老竇「口裡說不身體很誠實」嘅愛國嘴炮係個問題，又係小農dna作祟？
無論如何，阿媽應采兒已經否認，話Jasper留港讀書。不過，既然金主們唔怪責反而支持，真係可以考慮下台灣喎，始終香港唔少小朋友都被tear gas搞到皮膚敏感、出紅疹、水泡等等，唔理？可大可小！
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
|
鍾意就快D Share啦！
|
|
|