2019年12月23日星期一

開Live被點唱《男朋友》　J.Arie憶古天樂開金口搞笑回憶 __,J.Arie,古天樂,

開Live被點唱《男朋友》　J.Arie憶古天樂開金口搞笑回憶

J.Arie早前開Live自彈自唱，有觀眾就點了古天樂首《男朋友》，隨即勾起她的難忘回憶。

J.Arie（雷深如）近日獲大大小小品牌邀請做Live show，當中最難忘一定是柏斯琴行及Casio舉辦的Show，事關她也是因為這間琴行而入行，J.Arie說：「話說我嗰時中六，我暪住屋企人參加過唯一一次公開歌唱比賽，就係呢間琴行搞嘅。我初賽一下就畀人叮走咗，但竟然有初賽嘅評判搵我開始幫佢唱Demo，由嗰度開始，我就認識到唔同嘅監製，再有機會去夾Band唱唔同嘅商場、婚禮、Band show。」結果唱了大概四、五年後，畢業後獲監製賞識邀做歌手，所以她對這間琴行有好大的情意結！

因當年未有人夠膽在本尊面前唱《男朋友》，所以大家都讚J.Arie和一班年輕歌手有Guts！

談到Live期間，有觀眾留言點唱古天樂（古仔）的《男朋友》，J.Arie表示超驚訝，皆因居然有人記得一、兩年的電影工作者春茗，她與小肥、王梓軒等在台上演唱過，當時身為演藝人協會會長的古仔亦在台下，J.Arie憶述：「其實嗰刻都有啲驚佢會嬲，但古生竟然喺我哋唱到中段嘅時候，上左台同我哋一齊大合唱，即刻全場超哄動！因為嗰次真係古生真真正正第一次開金口！事後亦都有唔少人話我哋真係好夠膽，但自此之後，古生都間唔時再開下金口唱歌！嗰次嘅大膽舉動都可謂係我哋最美好同埋最搞笑嘅回憶！」