昨晚2019澳門國際電影節頒獎禮上，蔡卓妍（阿Sa）憑電影《非分熟女》奪最佳女主角獎和劇集《PTU機動部隊》奪最佳女主角獎，一晚影視封后，成為雙料得主，而麥兆輝則憑《廉政風雲 煙幕》獲最佳導演獎，任達華憑劇集《破冰行動》贏得最佳男配角。
阿Sa昨晚穿上白色晚裝與任達華一齊行紅地毯，被封雙料影視后，阿Sa表示澳門是她的福地：「我嘅公公同婆婆曾喺澳門生活過一段好長時間，所以每次嚟呢度，無論係表演定拎獎，我都感覺到喺天上嘅公公同婆婆睇住同守護我，今次得獎別具意義。入行多年，試過有唔同嘅提名，亦拎過一啲獎項，呢個代表業界同觀眾對我嘅肯定，但我唔會因為某一、兩個獎就刻意去做唔同嘅演出，獎項永遠無法預測，我只能努力去演好每一個角色，我真心鍾意演戲。」阿Sa在《非》片中大跳鋼管舞，性感誘人。
阿Sa早前被網友發現小腹微凸，繼而傳懷孕，她作出否認。對於外間關心她的健康狀況，阿Sa說：「之前一直覺得下巴腫腫哋，以為自己肥咗，有醫生朋友幫我按過下巴位，初步判斷唔係脂肪、雙下巴，而係摸到有粒嘢，建議我立即去照MRI，起初都有啲擔心，檢驗結果係淋巴囊腫，有兩粒嘢黐住口水腺位置，好彩唔係惡性，起因係免疫系統出錯訊號，我食晒西藥療程，而家搵中醫調理，每星期又去針灸、拔罐，希望盡快康復。」阿Sa表示已安排聖誕同新年跟家人共度：「聖誕新年注重團圓，當然想同自己最想一齊嘅人度過。」阿Sa和鄭秀文（Sammi）合演的電影《聖荷西謀殺案》，被視為明年金像獎大熱作品，阿Sa表示平常心：「Sammi都有同我分享過，無論有冇獎項，我哋都要繼續演好戲，唔好畀自己太大壓力。」
任達華昨晚憑劇集《破冰行動》成為最佳男配角獎得主，他大講得獎感受：「最重要多謝導演，以及劇中演員吳剛、王勁松，同埋扮我囝囝嘅黃景瑜。」憑《廉政風雲 煙幕》獲最佳導演的麥兆輝也說：「若非同楊老闆（楊受成）相識多年、合作無間，都唔會有《廉政風雲 煙幕》，多年嚟我一直同唔同導演合作，但呢部戲係我一個人做導演，自然別具意義。」
|
鍾意就快D Share啦！
|
|
|