林志玲同蔡康永講心㗎嘛，點會計較！
台灣第一名模林志玲上月17日同日本天團EXILE成員AKIRA喺台南舉行婚禮，獲好友蔡康永破例獻出第一次，為佢擔任婚禮儀式主持人。蔡康永近日同徐熙娣（小S）一齊受訪時，提到當時林志玲點樣邀請佢做主持人，佢透露對方發訊息表示：「那一天，我們能不能夠請到你，來引導跟見證我們往前走」，蔡康永笑言訊息內容抽象，令佢一頭霧水，仲疑惑係咪要幫手喺婚禮做花童！不過佢就諗住以放鬆嘅心情出席，結果林志玲就通知佢「下午3點要到」，蔡康永先知道自己要做婚禮儀式主持人。
「你不來我就不嫁了！」
不過因為蔡康永當日喺北京有工作，擔心趕唔切返台南，所以提議對方搵定後備人選，估唔到林志玲就話：「你不來我就不嫁了！」好彩最終蔡康永都準時趕到，而忙完之後，佢亦收到好友嘅利是作酬勞，大爆有400蚊人民幣左右（約港幣447元），仲好奇問：「很多嗎？」旁邊嘅小S嚇窒之後忍唔住大笑話：「很少」不過亦安慰蔡康永話佢自己都有幫手，但一封利是都冇。
來源 source: http://hk.on.cc
|
鍾意就快D Share啦！
|
|
|