杜汶澤上年11月應港台邀請，與陳百祥一起在節目《視點31》中進行「世紀辯論」，結果顯示黃藍除了是政見，亦證明智商上都有分別，而該次「世紀辯論」創下香港facebook live紀錄，最高峰有27.4萬人觀看。
港台原來已經安排了一場「新世紀辯論」！今日黃秋生接受《蘋果》訪問，承認收到《視點31》邀出，將在下周二（14日）與7.21跟白衣人握手的何君堯辯論，討論內容將會是「警暴」，秋生說︰「係呀，佢哋打畀我助手問有冇興趣上去，我話利君雅（主持）就有興趣啦。佢應承我係，唔係咪走囉。佢問我想搵邊個（辯論對手），我又冇特別想搵邊個嘅，提咗啲名畀我，有啲講經濟，但我又唔識講。想就想上去啫，老實講自己才疏學淺，上去就運吉，當我爭取曝光。」
至於今次對手是律師，秋生話覺得係辯論，自己就會以兩個人同時接受訪問去看待整件事，不會當成鬥爭或者比賽，他補充︰「我連自己屋企人都說服唔到，點去說服人哋吖。題目會係『警暴』，叫做表達意見，呢個題目我都會講到一下嘢嘅。講到警暴一定會講到『元朗721』啦。」
秋生又說當日一定會問何君堯是否識功夫，因為當日上年11月何君堯在屯門遇襲時反應超快，秋生說︰「佢避刀嗰下，反應快過成龍，我好好奇。同埋武功好高，因為反應快過常人。不過就唔會當場要求睇佢傷口，嗰個傷口係愛的一吻，點知同『隊』佢嗰個人乜嘢關係。」秋生透露沒有特別準備，只會以平常心去傾吓偈，他說︰「第一我口才唔好，第二才疏學淺，第三我連屋企人都說服唔到，上去其實運吉。其實我上去係想見利君雅，我仰慕佢，唔係去見何君堯。」他話深信何君堯情緒智商（EQ）很高，不如外間以為對方很易躁動，秋生解釋︰「一般人以為脾氣大叫EQ低，其實唔係，佢（何君堯）係用緊情緒，去獲得想要嘅嘢，佢係控制緊情緒，所以呢啲人係EQ高，佢隨時好戲過我。唔會搵佢嚟幫我教戲啦，容乜易佢撈埋我個份，橫掂佢而家冇乜嘢做。」
何君堯對上一次跟立法會議員朱凱迪出席同一節目時，有拍枱走記錄，秋生表示並不擔心，他笑說︰「佢拍枱走我驚乜啫，佢拍我走就驚啫。何君堯好似講咗話我唔係議員，唔會咁對我。佢會好斯文，我相信佢都係斯文人。其實我都有啲緊張，要打吓座先，希望佢身為律師真係口才會好啲啦。」
黃秋生在反送中運動期間多次批評香港警察，曾呼籲日本人：「暫時唔好去香港住喇你哋，因為啲警察黐咗線。」早前監警會5名海外專家集體請辭，黃秋生都揶揄監警會：「冇特效嘅特效藥即係假藥。」
|
鍾意就快D Share啦！
|
|
|