【頭條獨家】應屆港姐寫揮春送祝福 黃嘉雯以陳凱琳為人生目標
新春將至，今屆港姐冠軍黃嘉雯（Carmaney）、亞軍及「2019最上鏡小姐」王菲(Fei)及季軍古佩玲（Kelly）寫揮春，向本報讀者送上祝福。黃嘉雯引用大學潮語，祝年輕人「早日出Pool」，搵到心上人拍拖！王菲及鬼妹仔古佩玲分別祝大家「步步高陞」及「吉祥如意」。採訪：方騫平 場地：工創空間INDEX
三位港姐於慈善節目中表演過寫大字，所以曾重拾毛筆練過幾粒鐘，有過上次經驗，今次有板有眼，王菲寫完「平安喜樂」後第一個交功課，還唱好自己說：「寫得唔錯呀！」最搞笑王菲將「步步高陞」的陞字寫成升；Kelly將「吉祥如意」的意字，由日字變成田字，有唔少蝦碌位，不過，Kelly以字體最工整取勝。黃嘉雯笑說：「睇嚟都唔錯呀，幾有書法天份。」
今年三人首次在工作中過年，異口同聲表示好興奮，王菲話最期待返公司𢭃利是，黃嘉雯最想𢭃家燕姐、嘟姐等阿姐級利是，攞到一定有好意頭，新一年應該會有好多工作做。Kelly笑言：「咁我年三十晚好坐定喺公司等喇。」暫時三人無意嫁人，都想工作行先。黃嘉雯說：「我覺得陳凱琳好幸福，又靚又叻，係終極目標。」王菲欣賞不停闖出事業高峰的視后佘詩曼；Kelly想做十優港姐麥明詩：「佢好犀利，可以兼顧到事業同埋學業。」
來源 source: http://hd.stheadline.com
|
鍾意就快D Share啦！
|
|
|
