龔嘉欣話因為要趕拍劇！
藝人龔嘉欣主演的無綫劇集《大醬園》正在熱播，但身為女主角的她，兩次劇集的宣傳都未見影踪，原來她正趕拍另一套劇集《香港愛情故事》，她透露由於此劇是實景拍攝，一早定晒，所以無得改動，好多演員幫她宣傳埋。劇集出街後，龔嘉欣備受關注，因為上街整指甲、買涼茶，街坊都知道她有新劇上，指會捧她場。
對於拍《大》時傳出與朱晨麗不和，巧合兩人都沒有去宣傳活動，嘉欣表示：「我都唔知佢冇去，我亦唔會問公司邊個演員去（宣傳），如果公司叫到就會出席，因為台前幕後都用咗好多心機去拍，演員都會盡番責任去宣傳，我咁啱要拍劇所以去唔到。」
談到拍攝過程的辛苦，因為當時是夏天拍，戲服又三層厚，又在荒山野嶺取景，熱到幾乎中暑，她因為有時轉三個造型，髮型要貼服，狂噴髮膠，搞到啲頭髮打結。
來源 source: http://hk.on.cc
|
鍾意就快D Share啦！
|
|
|
