「波波姐」莊端兒，早排喺美食節擺檔賣seafood，客人排長龍，親自sell客嘅佢，忙著燒海鮮，雙手冇停過。
最近佢賣多辦自家產品，點知撞正今年政府辦嘅大型年宵，取消乾貨檔，失去有利位置，波波姐唯有移師去銅鑼灣另一個場地賣年貨，希望喺新年撈一筆。
當日波波姐上半身密實，但就熱褲落場，依然吸睛。可惜遇著場地人流唔算多，進取嘅佢一見有人經過，就把握黃金機會手口並用，捉著辦年貨嘅客， sell得落力！
為咗盤生意，波波姐放下藝人身段，當超級推銷員。全程充滿笑容同熱誠，所以啲客十居其九試食完，都俾佢sell到掃貨走。
之後壹仔向佢了解今年市道，佢都話比預期中淡靜，不過憑住佢把口，總算突破靜局。「係靜少少，但點靜都要食嘅，雖然社會氣氛麻麻地，好多人唔係咁開心，但我唔可以咁樣停落嚟，都要做，希望大家搵到食」
她續說:「剛才算唔錯，你睇環境，我哋呢個位置比較靜，但我有粉絲嚟幫襯，唔係做枚，真係買。」
生意唔易做，請人一樣難。「成日都請唔到推鎖員，咁咪自己落場做，你見我mark貨、執貨、計數都有啲生手，但我做得開心，你見我sell客唔怕醜，係咁叫人試食，最開心佢哋試完肯買。」波波姐說
為減低風險，波波姐今次拉埋老友翟威廉分租年宵檔。「搵埋翟威廉承受呢個風險，個檔同佢share，佢賣清酒，我賣炸魚皮好襯架！皮一齊做，呢個係佢(翟威廉)哥哥。」佢指一指身旁，代胞弟睇檔的翟威信。
翌日，賣清酒嘅翟威廉亦親自落場sell客，話晒都係藝人，故好快吸到中女客幫襯。距離年初一只有一日，希望佢地最後衝刺，藉著生意發個新年財。
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
