朱晨麗去咗睇楊千嬅巡唱嘅蘇州場。
無綫花旦朱晨麗（朱朱）因拍攝無綫劇集《多功能老婆》與楊千嬅成為好姐妹，雖然劇集已經落幕，但「姐妹情」繼續升溫！早前見千嬅忙於舉行巡唱，朱朱已先後到上海和蘇州捧場，她坦言蘇州的巡唱對她別具意義：「我係蘇州人，梗係要盡『地主之誼』，況且上海睇完覺得唔夠喉，千嬅蘇州嘅演出咁啱係冬至，我帶埋父母去捧場，台下嘅反應非常之好，千嬅好似萬人迷咁，全場都好感性，不停流眼淚答謝粉絲，我覺得佢絕對係一位好值得學習嘅藝人。」
而此行朱朱僅逗留3天，欣賞演唱會之餘更陪家人過節：「我有探埋婆婆，成個假期都好溫暖，無論天氣點凍，我都覺得暖笠笠。」另外蘇州盛產大閘蟹，朱朱也趁機品嘗：「可能好耐冇食過，我竟然控制唔到自己，一下子食得太多，結果就頂住個胃，最後嘔咗出嚟添！下次我會節制啲㗎喇，不過食到嘔依然好開心，事關大閘蟹係我童年嘅回憶。」
來源 source: http://hk.on.cc
|
鍾意就快D Share啦！
|
|
|