2020年2月8日星期六

【武漢肺炎】新春自困海口家代蓮曦丹美回港隔離14日 #代蓮曦丹美 #新型肺炎 #武漢肺炎

【武漢肺炎】新春自困海口家代蓮曦丹美回港隔離14日

Daisy成個春節就在海口家裏，足不出戶。

武漢肺炎肆虐，港府由今日凌晨起要求所有從內地入境人士強制接受檢疫 14天，在農曆新年前往海口探親的代蓮曦丹美（Daisy），幾經艱辛撲機票，終於趕及在實施強制檢疫前返港，Daisy回港後亦要留在家中自我隔離14日。

Daisy的家人分別在德國及海口居住，這次她到海口探望長輩，在逗留的兩個星期內，她在當地只出入過兩次，就係由機場去屋企、再由屋企出機場，全個新年自困家裏，而且度歲穿的新衫只是一件睡衣。

Daisy說：「為咗過年，我指甲gel咗，頭髮treatment整咗，新衫買咗，化妝品準備晒，點知係一件睡衣喺海口嘅屋企過完成個新年，我全程冇出過屋企，唯一一次出屋企係直線去機場返香港，呢次真係由細到大過得最特別嘅一個新年。」雖然自困海口寓所，不過來自小康之家的Daisy還好了，她的住所有3層，可以在一樓飲咖啡、二樓飯廳開餐，三樓閨房睡覺，她更將這些家中「景點」分別美名為「客廳嶺」、「沙發灘」、「餐廳美食街」、「枕頭山」。

前晚（6日) Daisy由海口飛返香港，當日機場入境者特別多，「嗰日入境要量體溫，填健康申報表，但特別多人，同埋feel到氣氛係好小心，個個戴晒口罩。香港始終人口密度高，尤其機場係集中全世界唔同人嘅地方，雖然呢次入境比平時用多咗時間，但都係應該。」