鄺文珣於2006年加入人妻行列，跟老公結婚13年，二人世界變五口之家，成員多了，歡笑聲也多了。鄺文珣夫妻都好鍾意郊外活動，不時帶着11歲多長子Cadence、9歲多二子Casper和2歲多孻女Chesney出去戶外活動，這位潮媽最不主張兩名兒子打機。他們這次挑戰鶴嘴山，並留言：「決定帶孩子去爬山 #鶴嘴山 #氣象站」看到他們這個登山之旅有一定難度，她要戴着爬山手套，跟在老公身後，扶着欄杆拾級而上，辛苦上山後風光明媚，她都拍了不少靚相。
鄺文珣今日接受《蘋果》訪問，她說：「呢排我哋好鍾意行山，感覺好正，我哋仲行『歪路』，同細路行平路，睇花花草草佢哋嫌好悶，好難叫佢哋出去，而家疫情咁，成日留喺屋企，心靈身心都受影響，玩game同煮嘢食，放唔到男仔啲電，聖經有句叫我哋『向高山舉目』，於是我哋呢排上咗癮咁，成日同朋友一齊去，仲期待下一次行邊，有時行成4、5個鐘，亦試過6個鐘，大家幾enjoy，小朋友覺得好冒險，我哋同行有有經驗人一齊，都唔太擔心。」即使行山多斜路，鄺文珣說：「着啱衫，帶齊用具，有人帶住都安全，唔太危險，但啱啱呢次我自己太chur，以為OK，又冇停咁行，結果暈咗5分鐘，可能我着唔夠衫，大風又凍，唔夠暖，好彩抖一陣都可以行埋佢。我真係要做多啲運動，因為行山路都難，冇能力帶妹妹，留佢喺屋企，最多只同佢到附近踩單車，妹妹都明白事理，知道外面有菌，佢肯戴口罩。」
---------------------------
《果GYM》隨身播 健身壹App過！
一按即玩
---------------------------------
11大串流娛樂平台推介 65頁網上煲劇睇戲天書
點擊即睇
來源 source: http://hk.entertainment.appledaily.com
|
鍾意就快D Share啦！
|
|
|
