又幾有睇頭喎！
無綫小花劉溫馨近日夥拍前輩石修，演出新劇《香港愛情故事》，今次她可謂接受演技挑戰，且不諱言當初透過試鏡才獲得角色：「今次我演修哥（石修）太太，佢個女係龔嘉欣。大家以為我好貪錢先嫁，所以難免惹人討厭，實質其實我哋都有愛情嘅。」為投入角色，她有向監製及編審等索取意見。
溫馨不諱言以往亦有年紀較長的男士向自己展開追求：「其實年紀唔係問題，最緊要大家溝通到，對方有責任心同事業心，最緊要梗係錫我啦。」目前單身的她坦言不會輕易展開一段關係：「每個女仔都希望開花結果嘅一日嘛。」
談到首日開工，溫馨表示相當難忘：「劇情交代因為某啲原因我畀車撞，我親身落場，架車駛到埋身先停，諗番轉頭都覺得危險！今次我除咗係一位家庭主婦，仲有另一身份，但唔想劇透住，相信會帶到驚喜畀大家嘅。」
來源 source: http://hk.on.cc
|
鍾意就快D Share啦！
|
|
|
