2020年2月8日星期六

汪明荃獲贈口罩解燃眉之急爆羅家英大馬拍戲冇得買 #汪明荃 #羅家英

汪明荃獲贈口罩解燃眉之急爆羅家英大馬拍戲冇得買

汪明荃晒朋友幫她班的口罩，還爆料家英哥在大馬冇罩用。

汪明荃（阿姐）在社交網上載片段，晒冷口罩，留言：「多謝星（新）加坡fans送了兩盒口罩給我，解我燃眉之急。大家保重身體，做好防疫工作！」

因為武漢肺炎疫情嚴峻，大家都在搶購口罩，阿姐在片段說很好彩，她的朋友來自世界各地，當知道她缺口罩就給她搜羅，說：「我計過，如果我一日用兩個，兩個已經係最少，因為我成日要開會、周圍走，用完咗除咗之後又唔可以翻用，所以我預計自己可以用兩個，譬如一盒得10個，5日就冇晒。」阿姐還爆料：「家英哥（羅家英）去咗馬來西亞拍戲，我以為嗰度唔係咁嚴重，我問佢，一個都冇呀！佢話因為新加坡都有疫症發生咗，所以佢哋都好緊張，完全冇得買，我啲朋友用佢哋方法幫我班咗兩盒。」

除了兩大盒3層口罩，還有4包每包8個有圖案的口罩，阿姐說原想叫他們買給小朋友用，但看尺碼似乎是大人用。阿姐最後騷新加坡Fans給她很喜歡印有面譜的襪，給她著波鞋時配搭不同襪會很開心。