掃呢頁CODE去手機

2020年2月26日 星期三

林盛斌:財爺派1萬 Bob晒仔女相:滿18個月都有就爽皮 #Bob #林盛斌

細路真係用得最多錢嘅。受新冠肺炎影響,各行各業都叫苦連天,失業人數增加及被迫放無薪假,市民期待「派糖」,今日財政司司長陳茂波公布新一份財政預算案,年滿 ...




細路真係用得最多錢嘅。


受新冠肺炎影響,各行各業都叫苦連天,失業人數增加及被迫放無薪假,市民期待「派糖」,今日財政司司長陳茂波公布新一份財政預算案,年滿18歲或以上香港永久性居民獲派1萬元,8月接受申請,最快明年2月能夠收取款項。


育有4名子女嘅林盛斌(Bob)即時作出反應,佢上載一張4個子女玩緊玩具嘅相,有感而發咁話:「如果係滿18個月都有得拎就爽皮嘞!」網民就安慰番佢,將來仔女大個都唔止畀4萬你不過更多網民係錯晒重點,話Bob為仔女準備嘅玩樂室勁大,玩具都壘咗3層高,更謂「淨係玩嘅地方都大過我屋企。」


蘇施黃擔心唔知幾時到手


另外,已經65歲嘅蘇施黃就擔心有生之年都未攞到1萬元,佢發文暗寸港府:「新消息,大家夠18歲未?係咪有香港身份證?咁希望大家在有生之年,香港政府會派到一萬蚊到你手上。」其實難怪阿蘇有此憂慮,因為去年政府的關愛共享計劃,派4000元給合資格申請者,但至今都未派完。


四字真言送市民


對於政府派糖1萬及長者和中產人士的措施可有幫助?阿蘇回覆東網,並以四字真言來送給廣大市民「自求多福」。她並言最擔是自己行車證未能及時續證:「政府官員home office吖嘛,我兩架車分別5月同11月到期,依家運輸處上網book期去到4月,如自己親自去就要執齊晒一袋文件咁,唔知齊唔齊好驚架嘛,跟住就放入門口個箱仔到。」 阿蘇覺得會引發好多問題:「若果續唔切證,但我又買咗保險,咁保險因冇行車證仲揸唔揸得車,即架車擺喺度唔揸得?呢啲係好唔明確嘅指示囉!除咗影響揸車人士,最重要一樣嘢,對開車行嘅人都激死啦,人哋點搵食先。」

來源 source: http://hk.on.cc
鍾意就快D Share啦!