掃呢頁CODE去手機

2020年2月26日 星期三

余思霆:人人袋一萬我冇份 余思霆劉穎鏇同是天涯淪落人 #余思霆 #劉穎鏇

真係慘慘豬!財爺終於喺呢個危急存亡之秋「派糖」,向18歲以上香港永久性居民派一萬元紓解民困。冇錯,係18歲或以上嘅香港永久性居民先有一皮嘢落袋,即係你 ...




真係慘慘豬!


財爺終於喺呢個危急存亡之秋「派糖」,向18歲以上香港永久性居民派一萬元紓解民困。冇錯,係18歲或以上嘅香港永久性居民先有一皮嘢落袋,即係你喺香港未住滿七年,冇三粒星,就算你有身份證,都係見財化水,嗚嗚嗚!


屈人請食飯


有人歡喜有人愁,來港發展只有三年嘅2017年華姐冠軍余思霆就係愁嗰個,佢接受東網訪問就話:「嚟咗香港發展三年,所以攞唔到一萬蚊,又唔會覺得唔抵嘅,不過相信我啲朋友應該有唔少攞到嘅,相信佢哋會輪流請我吃飯嘅。」講到會唔會叫男友朱敏瀚請食大餐?佢就話:「咁又唔使,平時食飯就夠喇。」不過呢,余思霆之前抽中過無綫百萬大獎,相信一萬蚊對佢嚟講,唔算入肉啩!


「我好唔開心」


又豈止思霆獨憔悴,2016年港姐亞軍劉穎鏇同是天涯淪落人,同樣冇喺香港港住滿七年,佢就話:「冇得攞好唔開心,今次財政預算案幫到弱小社群,之前大家都會用多咗錢去買防疫用品,有咗呢筆錢都可以解困,幫助到一啲低收入家庭。雖然我冇份攞一萬蚊,但有關薪俸稅嘅優惠,我都可以受惠到嘅。」


有時做人真係要睇開啲,睇得咁近真係會激心,今年冇一萬蚊,咪等下年囉,不過等吓好喇!

來源 source: http://hk.on.cc
鍾意就快D Share啦!