大家點使呢？
財政司司長陳茂波今發表新一份財政預算案，當中包括向18歲或以上的香港永久性居民發放一萬元，有錢派當然開心，一班藝人都諗緊點用呢筆錢！
鄧佩儀買機票探親
鄧佩儀竟然話要買機票，唔係走佬呀嘛？梗係唔係佢係買機票探親：「有一萬蚊梗係好開心，我一定會儲起佢，或者買機票探加拿大嘅媽咪，基本上我平時有多餘嘅錢都係用晒喺機票上，因為媽咪同哥哥都喺加拿大。」
鄺潔楹補「稅」
鄺潔楹則自爆之前交「重稅」，加上經濟麻麻，一萬蚊用來傍身：「我唔會用，我會儲起佢。因為啱啱交稅都用咗唔少錢，同埋預計呢一年嘅收入應該都會相對減少。難得有一萬蚊入番戶口，我唔會亂咁使啦。（咁肉赤，交稅有五位數字？）有呀，因為上年好好彩有接到啲廣告同商演，今年情況唔同，所以都肉赤。」
希望政府繼續做啱事
林泳淘就未諗點用呢一萬蚊，不過就希望政府可以繼續有好嘅政策出現：「對有需要嘅低收入人士嚟講係好事，只係大家可能會更希望政府能夠用心將正確嘅事正確地做，因為市民嘅心不能單靠錢維繫。」
來源 source: http://hk.on.cc
|
鍾意就快D Share啦！
|
|
|
