孫佳君當年係性感尤物，拍星爺套《百變星君》三點式上陣，身材Fit爆。除星爺對佢嗒糖外，已故商人羅兆輝同佢亦有一段情。做過羅兆輝嘅女人，佢財技亦有番咁上下，17年一炮過買入近億物業，唔使做按揭，勁！
之前復出，佢仍然keep到，係索媽一名。不過，可能近期匿埋喺屋企抗疫，冇乜心情打扮。45歲兼生咗兩個仔嘅佢，日前出關上糧，素顏戴眼鏡同帽嘅防疫造型，明顯走樣，冇晒電力。
在疫情肆虐之下，個個出街都口罩不離身，孫佳君亦都一樣，同兩個仔行超市，全部都好乖帶晒口罩。
不過孫佳君個背影，同之前個索媽形象差好遠，似足大碼師奶。但睇埋全身，原來只係件褸造成錯覺，下半身仍好有線條。
孫佳君03年淡出娛樂圈，之後被爆同富商劉貴喬秘婚，仲生咗兩個仔。不過09年，孫佳君俾劉貴喬打，搞到告上法庭，先揭發兩人只係情侶關係，一直都無註冊結婚。
眨下眼，大仔已經16歲，生得高大，高過阿媽半個頭。12歲細仔都唔弱，同阿媽差唔多高。佢哋行完超市，齊齊上車走人。上到車，大仔先敢除口罩飲水，全家對防疫都高度戒備。
同劉貴喬分開之後，12年孫佳君復出拍戲，雖然少咗性感演出，不過佢嘅火辣形象，仍然深入民心。
因為唔止銀幕上，現實生活中，佢都一樣咁火辣，最轟動當然係同神童羅兆輝嘅一段戀情，脷疊脷嘅親熱相，震撼全城。當年佢仲幫羅兆輝還債，羅兆輝亦讚佢有情有義。
15年，壹仔影到佢一身戰鬥格，同梁芷珊位前度、法國米芝蓮大廚Olivier，喺餐廳舌戰，做火辣人母。
孫佳君雖然出番嚟拍戲，其實佢本身生活無憂，17年以9,580萬，買入半山The Albany一個中層單位，實用面積接近2,000呎。
根據土地註冊處紀錄，層樓冇做按揭，係一炮過買入，可以現兜兜豪擲接近一億出嚟，真係實力派，拍戲都係過吓日辰啫！
攝錄：Sky
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
