帶囝囝去泰國避炎 張栢芝5個鐘曬到變黑
新冠肺炎全球肆虐，郵輪及飛機等密封空間成為播毒高危點，不過張栢芝就未驚過，今晨於社交網上載一幅機場自拍，並透露帶埋囝囝出發去旅行，同行仲有其他小朋友，她興奮寫道：「我們終於可以享受游水的日子。」估計是去了泰國享受陽光與戲水。
其間，栢芝又連發多個Po及Ig story，臨上飛機前，她與大仔謝振軒（Lucas）和二仔謝振南（Quintus）均Full gear戴晒黑超、黑口罩，登上機艙後，大家囝囝更戴埋膠手套，椅背亦明顯用布蓋住，她都留言話：「最緊要安全。」不過一到埗，眾人即卸下所有防疫裝備，盡情食同玩，Quintus於泳池邊慢慢嘆薯條、Burger，Lucas則在室內同媽咪玩桌球，而細仔「小王子」張禮承（Marcus）就喺旁邊坐車車。
隨後，栢芝拍片呻：「特登飛過嚟，等埋啲團隊要開工，但𠵱家唔夠5個鐘已經曬到黑晒，點辦？今晚我諗要敷7塊Mask，8塊或者10塊，哈哈，一定要保持住呀！」她又透露準備出發去BIG C超市買清潔用品、日常用品及糧食，「跟住仲要做家務，啱啱先晾完衫，點算呀！」真係聽到都攰！好在有Lucas陪住去買嘢，栢芝都不禁表示：「好感恩上天賜給我這個兒子。」兩母子仲邊行邊十指緊扣，好Sweet！
來源 source: http://hd.stheadline.com
|
鍾意就快D Share啦！
|
|
|
