掃呢頁CODE去手機

2020年2月2日 星期日

王敏奕:陳瀅與何猷亨復合?王敏奕:佢鍾意就得 __,何猷亨,王敏奕,陳瀅,

力撐老友,咁先係好閨蜜嘛~藝人王敏奕前日為無綫新劇《香港愛情故事》拍攝到茶餐廳打工的戲份,她透露為配合角色要打不同散工,日前更有到酒吧拍攝當調酒師場口 ...




力撐老友,咁先係好閨蜜嘛~


藝人王敏奕前日為無綫新劇《香港愛情故事》拍攝到茶餐廳打工的戲份,她透露為配合角色要打不同散工,日前更有到酒吧拍攝當調酒師場口,令其眼界大開,她說:「要邊調酒邊同客傾偈,啲酒仲要兩層顏色,仲要學手勢,搖又要有技巧,真係好難。」


而新婚的她首年派雙封利是,敏奕笑指分不清何時派雙封:「因為有派開工利是,所以唔知幾時派邊樣,但之前同老公(曾國祥)去佢公司開年飯敍,見佢派得好興奮。(幾時生個B幫手收利是平衡番?)冇諗,等大家事業再衝刺吓先。(新年有冇同老爺曾志偉拜年?)佢唔喺香港,但之前有一齊食團年飯,奶奶就出咗院,身體都冇乜嘢」


談到老友陳瀅被指與舊愛何猷亨復合,敏奕表示不知情:「呢排大家拍劇都忙,冇乜點見,(如果真係復合戥佢開心?)都希望朋友每段感情都幸福快樂,唔止陳瀅,身邊所有朋友都係。(覺得佢兩個襯唔襯?)佢鍾意就得,兩個人最緊要係開心,等我都短訊問吓佢先。」

來源 source: http://hk.on.cc
鍾意就快D Share啦!