2020年2月4日星期二

【頭條獨家】同老婆拍拖行街買禮物陸永主動報料買唔到嘢 __,陸永,

【頭條獨家】同老婆拍拖行街買禮物陸永主動報料買唔到嘢

陸永有靚老婆繞住佢隻手行商場。

陸永同老婆結婚八年，家有兩個分別就嚟8歲及6歲嘅囡囡，一屋女人嘅陸永好幸福。日前下晝，陸永同老婆及一女友人去咗尖沙咀K11 MUSEA行街，眼利陸永好快發現記者主動報料，「嚟買禮物，睇唔啱。」叫佢同老婆一齊影張相，陸永笑住推，「佢唔鍾意呢啲嘢㗎。」採訪:李權威

因為轉數快，講嘢又好笑，加上拍住Do姐，陸永同C君都非常搵到食。去年暑假陸永就先帶老婆去內蒙古玩，之後再一家四口飛去蘇梅享受陽光與海灘，辛苦搵嘅錢都使喺屋企人身上，好男人。

行極都睇唔啱

日前下晝5點，陸永同老婆及女友人現身K11 MUSEA，見三人行街純係Window Shopping，望吓店面就行過，之後行經Coffee Shop就買咗包咖啡豆，跟住繼續見舖過舖，然後終於搵到間舖可以睇吓，主力陸永老婆睇，陸永就陪住老婆，但都睇唔啱，離開時陸永發現記者主動Say Hi，陸太好避忌即刻閃走。陸永笑笑口話同老婆嚟買禮物，但睇唔啱，之後就去咗買麵包然後再去停車場攞車離開。