歐瑞偉與盧惠光（圓圖）均表示會加強自己及家人的防疫措施。
香港正面對武漢肺炎在社區爆發的危機，日前發現第十三宗確診個案，患者是一名39歲男患者，居於黃埔花園，上月21日曾到武漢。而居於黃埔的藝人，包括無綫《愛．回家之開心速遞》的歐瑞偉，與及動作演員盧惠光。
東網聯絡上二人，其中歐瑞偉因住近確診患者的寓所，問及其最新情況，他回覆自身冇事並自拍家居照報平安：「係！我住黃埔，不過距離都好遠，冇影響，暫時冇事！（家人如何？）我哋會做好個人清潔防範措施，（要隔離？）唔使隔離，（影響開工？）冇影響《愛．回家》工作，有心，多謝！」
無綫暫停傳媒探班
至於盧惠光則說：「對方座數離我屋企都遠，初頭傳出嚟都嚇死，我哋依家唔出街，喺屋企以外地方都戴住口罩！」
由於疫情蔓延，無綫就劇集拍攝都有內部指引，有關外景的室內拍攝，因工作人員多及擔心通風系統問題，容易傳播病菌，所以暫不安排傳媒進行探班，直至疫情完結為止。
來源 source: http://hk.on.cc
|
鍾意就快D Share啦！
|
|
|
