- 【女兒年初一40度高燒入院】7億富婆曹央雲照顧中招大女住院9天：俾甲型流感折磨得好辛苦
- 20分鐘前
母愛真偉大。
肺炎肆虐，踏入鼠年，曹央雲也不得不冒險頻樸醫院照顧女兒，兩母女在醫院留了總共9日，昨日才一起出院回家。女兒健康出院，她才敢稍為輕鬆下來，但最想呼籲的是希望大家不要以為口罩是萬能，因為女兒平日外出都有帶口罩，做足防禦措施，但依然中招。她說口罩是可以減低感染程度，但最重要是身體有抵抗力，時刻注意衛生，有公德心，如無特別事情，最好留在家。
靚媽曹央雲育有兩女，大女兒Audrey向來孝順，原來在年三十晚半夜開始感到身體到不適，知道媽媽有失眠習慣，所以未有立即告訴她。直至大年初一中午要出外拜年，才被發現瑟縮床邊。
提起女兒中招甲型流感，她十分心痛：「原來佢年三十晚開始唔舒服，朝早五點幾又痾又嘔，忽冷忽熱，發燒發到40幾度，喉嚨痛到開唔到聲，仲試過暈咗一陣，起返身再上床，佢好傻女，因為我平日好多時都失眠，佢諗住死忍畀我瞓耐啲，所以冇同我講。到第二日，我中午入房叫佢起身，先知呢件事。不過送佢去的第一間醫院冇晒位，連想搵的專科醫生都放假不港，跟住要搵第二間醫院同另一個醫生。不過入院後，佢反而愈來愈重，因為連葯都食唔到，食乜嘔乜，吊鹽水吊到兩隻手都腫晒，見到佢咁辛苦，我個心好痛。」
令她最擔心的是，女兒患中招的不是普通流感，而是甲型流感。
「美國朋友話，喺美國患普通流感，每年唔止死幾千人，而係二至四萬人。甲型係最嚴重，有十幾percent死亡率。聽完醫生話係甲型流感，我即係腳都軟埋。」她說。
雖有醫生護士照顧，不過醫院人手不足，為減低他們的工作量，重要是她可以貼心照顧女兒，她一直留院陪着Audrey。
「我喺醫院可以幫佢梳洗，抺面同埋幫佢着襪，事關寒氣邪氣都由腳底入，所以我一定要佢保護對腳，總之希望盡量減輕大家工作量。坦白講，醫院係最多病菌地方，如果唔係自己個女有事，我又點會留喺度咁多日，真係明知山有虎偏向虎山行，只有媽媽先會咁做。」她說。
女兒出院後，她也要留在家休息，事關她發現自己肌肉酸痛，要保持健康才可繼續照顧女兒。
「我哋過年前做咗年糕，諗住送畀朋友，而家邊仲敢出街，就連細女喺屋企，我哋都要同佢隔離，總之就安全為上。」她表示。
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
|
鍾意就快D Share啦！
|
|
|
