武漢肺炎疫情嚴峻，針對餐飲業務法令前日傍晚6時生效，食肆座位要減半，大受影響。名廚楊貫一在銅鑼灣開設的米芝蓮三星食肆「富臨飯店阿一鮑魚」由明天開始暫停營業13日，楊貫一指「新例嚟得急」，很多細節未能安排，所以暫時關店，至於近日生意額，他直言：「生意真係好難做。」
香港連日來武漢肺炎確診數字急升，政府上周五宣佈抗疫新方案，由前日傍晚6時開始，食肆只能招待正常座位一半的客人，而且枱與枱之間需有間隔，或距離至少1.5米，每張枱最多招待4名客人，食客及職員均須佩戴口罩，食店要為食客量體溫和準備酒精搓手液。新抗疫措施實行後，近百年歷史的中環陸羽茶室即宣佈因受疫情影響，於後日起暫停營業至另行公佈。名廚楊貫一的星級食肆富臨飯店也由今天開始，暫停營業至下月11日，共13天。
員工先扣例假
據知，因為疫情下顧客入座減半，加上晚巿人流稀疏，楊貫一索性關門13日開源節流，員工會先扣例假。阿一鮑魚昨日如常營業，雖然周日本來是家庭飲茶日，但食客人數比過往大大減少。餐廳也按照新法例，食客入店前都要量體溫，場內枱與枱之間也有一定的距離，每張枱只有4份餐具，枱面上還有4個口罩套和一支搓手液。
楊貫一昨日接受《蘋果》電話訪問，他直認今日起關店13日安排：「因為政府新例嚟得太急，我哋好多細節未有完善安排，希望暫時關店13日可以再改善做好啲，等食客嚟到食得更放心，名牌食店應該乜都做到最好。食物方面，我哋向來都有保證，但其他服務上都要配合，希望疫情快啲過去，我哋一直又做到最好，等食客嚟到時就更有信心，我哋賣嘅除咗美食，仲要舒服，貴啲嘅享受。」楊貫一表示現在廚房和樓面員工約有30人，他跟員工溝通過，大家會配合公司安排，共度時艱。問到最近生意額跌了多少？他只肯說：「係少咗，𠵱家咁嘅環境，生意真係好難做。」
老闆車送外賣
富臨飯店行政總廚、楊貫一的入室弟子黃隆滔昨日接受訪問，他透露除了食客在進入餐廳前要量體溫，門口也準備噴霧消毒機，他說：「廚房部同樓面部嘅同事，全部都戴口罩，希望盡量減少傳染，枱與枱之間都會有距離，人客都減少咗，疫情唔好加劇就可以解決。」黃隆滔還表示有資深員工自發性提出放幾天無薪假，與公司共度時艱。
受到疫情影響，黃隆滔透露只有一至兩成的生意額：「影響得好嚴重，但老闆仲未話裁員，佢真係好好。」雖然客源減少，但黃隆滔指有外賣服務：「我哋攞咗一哥部車，由我哋自己夥計去送貨，邊個同事得閒就邊個送，我哋唔想交畀出面嘅速遞公司，希望畀食客有個信心嘅保證。」黃隆滔表示停業13日只是暫時性，屆時要再看情況而定。
採訪：陳杰、黃曉妍
攝影：林賓尼
來源 source: http://hk.entertainment.appledaily.com
|
鍾意就快D Share啦！
|
|
|
