傅嘉莉半裸撩人夫
傅嘉莉拍攝旅遊節目既要泳裝上陣，又要半裸拍按摩鏡頭。她與人夫楊潮凱在節目談情，笑言希望楊太不要介意，強調與拍檔只有「兄弟情」！
藝人傅嘉莉（Kelly）與楊潮凱早前到柬埔寨拍攝無綫旅遊節目《3日2夜》，二人的「情」由好友昇華至兄弟。Kelly坦言節目中不乏穿泳衣的場面，按摩時更半裸上陣，但面對拍檔卻毫不尷尬，反而多了默契。
食蟻醬唔開胃
Kelly透露節目以愛情故事包裝，對她而言是個挑戰：「兄弟談戀愛喎，拍嘅時候真係想嘔，成日要含情脈脈咁對住佢！好在我啲戲OK，勉強做到。今次啲相會有情侶感覺，希望楊太唔好介意，我哋只係拍嘢同做嘢，不過我同楊太見過好多次，佢知我同潮凱係兄弟！」
上次因護照問題未能隨隊拍攝，今次終於成行，Kelly坦言很開心：「呢個地方我同潮凱未去過，我哋去咗柬埔寨嘅首都金邊，係個大城市，同香港好相似，有好多品牌商店。」行程中試食蟻醬令她最難忘：「有一道雞要點蟻醬食，係用蟻整嘅醬，食落似南乳味，但肉眼見到好多腳！真係唔係咁開胃，不過係個幾好嘅體驗。」
來源 source: http://orientaldaily.on.cc
|
鍾意就快D Share啦！
|
|
|
