唐詩詠最近花邊新聞多多，傳與陳思銘分手後，撻着馬國明，並懷有對方BB。但隨着馬國明出面澄清，稱自己與詩詠保持「契兄妹」關係，亦不想再與姓陳的名字扯在一起，事件暫告一段落。
詩詠拒絕回應，只在IG「發牢騷」，稱「唔開心、憤怒、委屈」要修心整頓心情。最近不用開工的詩詠樂得清閒，被《蘋果》讀者吳先生透過「爆相爆片」分享，前日在銅鑼灣伊榮街附近見到詩詠，相約一名女友人在街頭自拍，玩足10分鐘，其間沒有戴口罩，又坐樓梯級，完全無懼武漢肺炎疫情嚴峻。
當日下午近5時，化濃妝的詩詠，穿上一件黑底白點裙內加白色打底褲在稱為「奧林匹克橋」天橋上拍照，因為天橋樓梯刻有各屆奧運舉行的年份及地點而有這個別號，更是旅客打卡拍照的熱點，吳先生說：「佢唔係幫雜誌影相，只見到一個女仔拎住部手機幫佢影，全程唔戴口罩，都幾大膽。」吳先生表示當時天橋上人來人往，不少人都認得詩詠會「望多兩眼」，但這位視后表現非常親民，有向途人報以微笑，他說：「佢都冇乜架子，條天橋幾多人行，見人望住佢又冇話即刻戴住副超，有人搵佢合照，佢都笑笑口答應。」
從片中所見，詩詠十足拍攝寫真一樣，影得好投入，由天橋上影到天橋下，接着又走到電車路旁，每影完一張都會立刻走到友人身邊睇拍攝效果。詩詠可說準備充足，自備一個螢光黃小袋做配飾，捲起衫袖，倚住欄杆托香腮，又要求友人高影低炒，不滿意又會行返原位補拍，更不惜坐在天橋的梯級上，沒有用紙或布鋪地，完全不怕地下多細菌。原來她帶了三個袋出街，除了拍攝用的螢光黃小袋，還有裝住雜物的黑色大袋及隨身的黑色手袋。拍攝完成後，詩詠便由友人手上取回乾濕褸穿着，而三個袋亦自己拎番，不用友人再操勞，但就未有即時戴上口罩。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|
