掃呢頁CODE去手機

2020年3月14日 星期六

阮兒:阮兒自駕歐遊誤闖結界:執番條命好好彩! #阮兒

阮兒「一腳踢」拍節目。無綫小花阮兒(Chloe)是越中混血兒,於荷蘭出世,現年32歲的她2006參加港姐落選後加入無綫,一直多演閒角,直至去年於熱爆劇 ...




阮兒「一腳踢」拍節目。


無綫小花阮兒(Chloe)是越中混血兒,於荷蘭出世,現年32歲的她2006參加港姐落選後加入無綫,一直多演閒角,直至去年於熱爆劇《金宵大廈》飾演舞女「莎莎」表現亮眼,獲賞識召入綜藝組,拍攝個人旅遊節目《駕到去歐洲》。自小在荷蘭成長的她性格獨立,加上Talk得又Drive得,以「一腳踢」形式拍該節目,資料搜集、寫稿甚至Book車都一手包辦。在歐洲自駕遊24日穿州過省,雖然今次「歐遊」相當辛苦,但她很開心擁有屬於自己的節目。


GPS冇顯示


忙做節目後期工作的Chloe日前受訪,憶述驚險之旅時猶有餘悸,笑言「執番條命仔好好彩」,她說:「中途發生好多事,例如爆胎,我咁大個女未試自己換胎!有一次去瑞士雪山行錯路,嗰度冇乜車行,覺得有少少靈異,後來睇GPS搵路,竟然冇咗顯示,但就列明20K要行一個鐘頭零8分鐘,個時間有啲奇怪。最後我哋搵咗好耐先落到山,嗰次好危險又多雪,仲要喺崖邊,揸車時真係好驚。事後同朋友傾番,覺得我誤入結界,好彩出得番嚟!」


怕被當獵物


問到還有甚麼驚險事?她說:「我哋去咗黑森林探險,當時好黑好凍落晒雪,行咗10分鐘,突然聽到有槍聲,原來呢個森林有打獵區,期間突然聽到槍聲,嚇到呢!我仲諗會唔會變成獵物呢?當時唔敢繼續拍,即刻走人。」



來源 source: http://hk.on.cc
鍾意就快D Share啦!