掃呢頁CODE去手機

2020年3月5日 星期四

湯洛雯「執二攤」坐正 惡鬥蔡思貝 #湯洛雯 #蔡思貝

龔嘉欣(Katy)<br>年齡:30歲<br>三圍:32A、24、33<br>背景:16歲做模特兒被發掘,2016年憑《幕後玩家》奪「最佳女配角」。
湯洛雯「執二攤」坐正惡鬥蔡思貝湯洛雯、龔嘉欣、蔡思貝及張曦雯最近愈戰愈勇,四女皆極有潛質成為無綫一姐,之前「執二攤」頂替黃心穎拍劇的湯洛雯備受讚賞,坦 ...




湯洛雯「執二攤」坐正 惡鬥蔡思貝

湯洛雯、龔嘉欣、蔡思貝及張曦雯最近愈戰愈勇,四女皆極有潛質成為無綫一姐,之前「執二攤」頂替黃心穎拍劇的湯洛雯備受讚賞,坦言打了強心針,三月中正式坐正女一開拍古裝劇。而張曦雯及龔嘉欣亦表示會做好自己,望有更多新的嘗試。至於「撲火」多時的蔡思貝翻身作亦即將播出。

無綫一眾花旦及「視后」級藝人出現離巢潮,當中包括田蕊妮、胡定欣、李施嬅等,全部向外闖,望有新發展,而視后之一的李佳芯亦因之前的政治風波被打沉,現時一直未有新工作安排,今年無綫一姐花旦之位,成為四大花旦龔嘉欣、湯洛雯、蔡思貝及張曦雯之爭,因為她們都有劇在手。

打咗支強心針

湯洛雯之前獲委以重任,臨危受命頂替黃心穎拍攝《法證先鋒IV》,現時可謂抽中好籌,此劇收視勢如破竹,而湯洛雯的表現亦受到激讚,此役可謂助她鋪條好路。本月她亦正式在新劇首次坐正女一,她受訪時說:「其實我真係唔識分係唔係上緊位,就單一套劇而言,《法證先鋒IV》係令我幾有滿足感,拍時得一個月,準備時間好少,我好怕出嚟唔合格,我對自己嘅演出好有要求,希望自己做得好,起碼自己要睇得投入,我覺得今次成績都尚算滿意,呢個劇嘅反應的確令我打咗支強心針,但上唔上位,我成日覺得呢行冇得做獨腳戲,大家要齊齊上先係好,因為一套劇唔係一個人去做,大家一齊好,對呢個行業好即係對我自己都好。」問到會否有哪位前輩她視之為目標?她說:「TVB入面我好欣賞楊怡,我入行之前已鍾意佢,佢又靚,個人又好,而且入行認識佢之後,佢性格真係好爽朗,所以我好鍾意佢。」

湯洛雯(Roxanne)<br>年齡:32<br>三圍:34C、25、36<br>背景:2012年參選港姐入行,叔父為昔日無綫小生湯鎮業,父親湯鎮宗亦是藝人。
  • 湯洛雯(Roxanne)

    年齡:32

    三圍:34C、25、36

    背景:2012年參選港姐入行,叔父為昔日無綫小生湯鎮業,父親湯鎮宗亦是藝人。
蔡思貝(Sisley)<br>年齡:29歲<br>三圍:31B、24、33<br>背景:2013年港姐亞軍,2017年憑《踩過界》奪「最受歡迎電視女角色」。

  • 蔡思貝(Sisley)

    年齡:29歲

    三圍:31B、24、33

    背景:2013年港姐亞軍,2017年憑《踩過界》奪「最受歡迎電視女角色」。
張曦雯(Kelly)<br>年齡:29歲<br>三圍:33C、23、34<br>背景:2012年國際中華小姐冠軍,去年奪「飛躍進步女藝員」。

  • 張曦雯(Kelly)

    年齡:29歲

    三圍:33C、23、34

    背景:2012年國際中華小姐冠軍,去年奪「飛躍進步女藝員」。

近期在《大醬園》中演奸角「細么」奸到出汁的龔嘉欣亦劇接劇,現正忙拍新劇的她,之後亦有兩劇在手,成了監製搶手貨。她坦言:「嚟緊已經接咗兩個劇,其實都開心嘅,自己喺呢間公司都第十年,一路都做好自己。(有冇假想敵?)我又冇話會同其他人比較,我覺得有工作嚟就做好佢,做好自己就得。」問她近年多演奸角,會否想轉?她說:「都冇乜所謂,公司安排就得,當然我覺得好多角色都未試過,希望試多啲嘢!」

「我嘅敵人係……」

而剛剛在無綫頒獎禮獲獎的張曦雯,正與視帝王浩信拍新劇,今年底已接拍無綫重頭劇,與一眾視帝、視后級演員鬥戲。受到公司愛錫的她受訪時說:「我諗呢個階段都係希望多啲新嘅嘗試,試吓唔同角色,好多謝公司畀咁多機會我。(有冇假想敵?)冇呀!我諗我嘅敵人係我自己,唔會諗其他人做成點,人哋做得好唔等於自己做得唔好,大家一齊做得好先夠精彩。」

至於近年刻意將「惹火」撲熄的蔡思貝,緋聞愈來愈少,其擔演的《機場特警》終於排除萬難定於三月底首播,此可說是思貝洗底之作,未知能否令她再次翻身?她說:「都期待可以再迎接一個有挑戰嘅新角色,我永遠都視自己為最大嘅對手,要戰勝自己惰性、慣性,跳出框框,搵出新靈感先係最困難。能夠同佢哋喺同一個年代出生,成長到依家一齊拍戲一齊互相勉勵,喺追夢呢個旅程變得更有意義同唔孤單。」




鍾意就快D Share啦!