掃呢頁CODE去手機

2020年3月5日 星期四

張寶華向平機會投訴上海總會 黎芷珊轉場補祝難忘生日 #黎芷珊

張寶華改食日本菜為黎芷珊補祝生日。而黎芷珊估唔到1月跟張寶華、陶傑上鑽石公主號郵輪玩,演變有咁「奇遇」。
張寶華向平機會投訴上海總會黎芷珊轉場補祝難忘生日張寶華改食日本菜為黎芷珊補祝生日。而黎芷珊估唔到1月跟張寶華、陶傑上鑽石公主號郵輪玩,演變有咁「奇遇」 ...




張寶華向平機會投訴上海總會 黎芷珊轉場補祝難忘生日

張寶華改食日本菜為黎芷珊補祝生日。而黎芷珊估唔到1月跟張寶華、陶傑上鑽石公主號郵輪玩,演變有咁「奇遇」。

黎芷珊和有線前新聞之花張寶華、才子陶傑等早前乘坐鑽石公主號,於1月25日由橫濱回港,回港後得知原來同船有名80歲老翁確診新冠肺炎,兩人都自覺要自我隔離,黎芷珊更隔離足足30日,直至上月底才出關。本來張寶華訂了上海總會為「一齊走過死門關」的黎芷珊慶生,但因歧視被取消訂枱,搞到兩人嬲嬲豬,不是味兒。昨晚兩人喺電台DJ朋友林柏希安排下,去咗尖沙咀一間日本餐廳食生日飯,張寶華送上一束鮮花及搓手液給壽星女,講到呢個54歲生日,黎芷珊形容認真難忘!採訪:方騫平

黎芷珊1月時攝於鑽石公主號郵輪上。
黎芷珊1月時攝於鑽石公主號郵輪上。
黎芷珊話其實坐郵輪去玩好寧靜、寫意,她跟張寶華經已第二次登船去玩。

黎芷珊話其實坐郵輪去玩好寧靜、寫意,她跟張寶華經已第二次登船去玩。

被歧視不好受

她無奈苦笑道:「咁大個女未試過被歧視,原來真係唔好受,好怪,不過呢個經歷都幾新鮮,死過翻生後仲要被歧視,今年遇到啲嘢係奇遇,冇諗過上船去玩,有呢啲擦身而過嘅經歷,但我諗冇病冇痛都叫有運行!所以生日願望都好宏觀,真係想疫情快啲過,因為生意、工作都受到影響,喺屋企都擔心,心情又唔好。」

對於被上海總會取消訂枱,張寶華表示,其實當日訂枱時已經說明一切,對方還説:「你哋自我隔離成個月,真係有公德心!」直至翌日早上10點對方還向她詢問餐單,11點就突然發訊息說:「對唔住,明天未能接待你哋!」理由係老人家多,抵抗力低!

黎芷珊也感莫名奇妙:「我開頭唔信呀!仲問寶華係咪敏感咗呀?佢就將對話截圖,真係明顯唔歡迎我哋囉!真係有啲嬲嬲哋,因為我咁辛苦成個月唔出街,喺屋企自我隔離,你估係一件簡單容易、舒服嘅事咩?我都做咗本份啦,做乜仲要畀人咁睇呢?」張寶華亦不平則鳴:「我明白個社會係驚肺炎嘅,但驚得嚟大家要理智、理性啲,如果你聽政府、聽醫生講,做好防疫,隔離14日會冇事,咁你梗係要相信啦,更何況我哋明知人哋認得自己,要顧吓人哋嘅感受,所以我哋經已唔係自我隔離14日,而係隔離30日,做足有餘,其實我有好多問題想問返上海總會:『係咪隔40日都唔得,要隔40年?』但佢都答唔到我。」

黎芷珊早前外出購物,到超市補充大量日用品及食物,芷珊手持兩大袋戰利品打道回府,一臉滿足。

黎芷珊早前外出購物,到超市補充大量日用品及食物,芷珊手持兩大袋戰利品打道回府,一臉滿足。
黎芷珊54歲生日多姿多采,仲感受到友情可貴,

黎芷珊54歲生日多姿多采,仲感受到友情可貴,

向平機會投訴

就今次事情上,張寶華更有意向平等機會委員會(EOC)投訴:「睇吓今次事件上有冇牽涉《殘疾歧視條例》,例如某個人有病,而唔畀佢去某個地方都算係歧視,況且我唔係有病,咁樣唔知係咪可以可以投訴?呢個舉動目的唔係要告佢哋,係個教育,喚醒唔好歧視,我哋今次係好好彩,去一個疫區,可以全身而退,隔離期間屋企人冇事,好感恩,如果有啲唔好彩中招就好慘!今次事件上唔存在還唔還我公道,係佢哋唔啱囉!希望透過呢件事當係一個教育,要諗吓康復病患者,或者隔離過嘅人其實都幾無辜,食飯反而只係小事。」


鍾意就快D Share啦!