黃先生接受《蘋果》電話訪問表示，今早乘搭國泰航班飛往曼谷，跟古天樂同機坐商務倉，航班離港時間是早上9時10分，古仔要空姐開名召喚才最後上機。黃先生說：「飛機差唔多關門前，空姐喺機上廣播，開咪搵古天樂，仲有兩個人名，5分鐘內見到佢哋上機，當時差唔多9點。」
從黃先生提供的相片，一身黑look的古仔，戴防疫孖寶KF94口罩和護目鏡避炎，雖然只得側面和背面相，黃先生說：「空姐開佢名，肯定係佢。佢全程戴住口罩，睇唔到佢有冇食餐，落機後行咗一段路，行到去health control就見唔到佢了。」
至於過關情況是否順利？黃先生表示：「喺機上填健康申報表，提供入住地點，落機後排健康申報時要量體溫，記錄喺紙，到櫃枱時再量一次體溫，我哋唔需要隔離，前後量兩次體溫，起碼排一小時。」
《蘋果》聯絡古仔了解詳情，但未獲回覆，據知，古仔在泰國有一間特效公司，在行內甚為出名，相信今次是到當地工作，剛巧碰上泰國將實施對港人的隔離政策。今午古仔有更新微博，但沒提自己身在曼谷，他以「永生」為題寫道：「人類對於長生不老的研究，永遠存在一份無止境的追求，很多創作也是有關人類可以更換機械身體，又或是將大腦甚至靈魂轉移到下一個新的肉體，務求令生命可以永續，永生的意義其實在於甚麼，相信每個人都有自己答案，你會有不死不滅的興趣嗎？」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|