【頭條獨家】為《叔・叔》選角被拒過百次 導演楊曜愷望主角得獎作鼓勵
講述兩名未出櫃男同性戀者，老年生活及相遇愛情故事的電影《叔•叔》，繼入圍金馬獎5項大獎；並入選柏林影展電影大觀單元後，在港成績亦相當突出，先在香港電影評論學會奪得兩個大獎；再獲金像獎9項提名。身為導演兼編劇的楊曜愷坦承選角時因題材問題，前後被拒絕過100次，所以特別希望兩位敬業的男主角太保和袁富華，能夠在獎項上得到更多的鼓勵及肯定。撰文：杜淑霞 攝影：李維隆
楊曜愷最初看了港大教授江紹祺所著的《男男正傳：香港年長男同志口述史》一書而啟發，之後接觸過作者同部份被訪者後，令他更想為這些人發聲，「首先希望同志長者可以釋放出嚟，唔好屈住將秘密帶埋入棺材，其次社會嘅人，同埋本身係同志嘅，唔好帶有歧視去睇上咗年紀嘅同志，或者將佢哋排斥。」
選角花足9個月
正因題材冷門，楊曜愷籌備遇上不少難題，除了不被看好，甚至有人提議將其中一個角色變年輕，不過最困難反而在選角上，他連配音演員和海外華人都試過，前後被拒絕超過100次，足足花了9個月才搵到太保及袁富華演出，「劇本太保個角色係70歲，呢個年紀嘅演員大部份係電影武打演員或者電視出身，佢哋好重視形象，好多對呢個題材有啲驚，有部份應承咗有興趣嘅，但係好大問題喺啲錫同牀戲，有嘅即刻Say no。」
電影獲多個影展和頒獎禮肯定，楊曜愷覺得有助提升電影的知名度，帶到更廣泛觀眾的層面，更重要是讓這部戲兩個優秀的男主角得到更多鼓勵和肯定，「演員我見過100個，唔係咁多話肯做呢類角色，淨係嗰種演員道德，已經值得影藝圈支持鼓勵，就算有啲Say yes都話呢樣唔做嗰樣唔做，但佢哋係義無反顧咁樣去做。」
來源 source: http://hd.stheadline.com
|
鍾意就快D Share啦！
|
|
|