關心好姊妹病況 Cheronna怕染疫拒外出
好姊妹疑似中招嚇餐飽，歌手Cheronna指何雁詩已在好友群組報告最新情況：「佢話退咗燒冇乜嘢。」坦言很掛念對方：「我哋好乖冇出街，日日喺屋企。我哋有傾過遲啲用App做個網上聚會，好想見我哋啲契仔契女。」又指被困家中雖苦悶，但家中有老人家，不敢冒險外出：「都係等疫情好少少先夠膽出去做運動。」另一好友陳嘉寶表示知道何雁詩有不適，但指對方是小心謹慎的人，不太擔心：「知道佢一直除咗工作都盡量唔出街，應該冇事嘅，希望快啲好番！」至於賴慰玲透露已聯絡好友：「當然擔心，依家大家都係等緊個測試結果，希望只係普通感冒。」
另外，藝人謝東閔昨日到電台宣傳新歌，對於好友何雁詩發燒，原來兩人前晚分別現身電視城錄影不同節目，雖然未有碰面，但他聞言大感愕然：「咁大鑊！呢排冇見，都會問候吓。其實我自己就唔驚，係驚惹到人。」
來源 source: http://orientaldaily.on.cc
|
鍾意就快D Share啦！
|
|
|