- 【拍完《法證》離開大台】「大隻仔」爆跟羅天宇相處好同住難:我頂佢唔順
- 1小時前
港男出身，人稱「大隻仔」的溫家偉，曾喺《法證先峰IV》一個小丑單元出現，此作係佢離開TVB最後一部演出。現轉戰新加坡發展嘅佢日前開Live同粉絲傾計。講到自己喺TVB做咗十年嘅感受，其中佢話:「呢十年學咗好多嘢，訓練出一個工廠式嘅……」自覺口快快用工廠式形容大台運作，已離巢嘅「大隻仔」講到呢度即窒一窒，之後再續:「其實喺TVB做嘢係幾辛苦！」佢指日接夜，夜接日嘅模式雖然令佢好累，但亦令佢有得著。
有人問佢喺TVB同邊個最friend？佢嘅答案當然就係好兄弟羅天宇，不過幾friend都好，相處好同住難，「大隻仔」爆昔日住喺羅天宇西貢豪宅嘅時候:「曾經同佢一齊住咗一段時間，不過頂佢唔順，之後我搬咗出去。」至於羅天宇點難頂，「大隻仔」就冇講，不過佢哋friend到爆，爆相處唔到，相信對方一定唔會嬲嘅。開Live嘅佢，更清楚俾粉絲睇到，新加坡間屋好闊落，仲有個小花園，無論住同發展環境似乎都好過喺香港，離開大台嘅決定應該無錯。
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|