應該話要有幾幸運先可以畀阿Sa頭髮？
英皇藝人蔡卓妍（阿Sa）同關智斌（Kenny）以及陳家樂等人身在馬來西亞趕拍網劇《女法醫JD》，因馬來西亞全國實施「限制活動令」影響，故早前佢哋同劇組漏夜執包袱「大遷徙」，趕去另一個拍攝場地。
暫時安頓好嘅阿Sa，呢日為咗充實人生，喺社交網透露「轉行」擔任髮型師，幫助手剪個靚髮，佢話：「你要對你嘅朋友幾大信任先會畀佢剪你嘅頭髮？！我助手今日叫我同佢剪頭髮，究竟佢係因為真係想剪頭髮，定係驚我悶呢？不過我都不負眾望，設計咗一個劃時代變化萬千嘅髮型畀佢，你哋睇吓佢幾咁滿意。」相中所見，見阿Sa有板有眼，兩三吓手勢就幫助手設計一個點梳都咁型嘅髮型，唔少網友大讚剪法了得，但亦有唔少網友留意阿Sa呢個短褲踢拖Look非常貼地兼好索！
此外，陳家樂亦上載曬鬚根自拍相，指自己身在酒店：「Stay at hotel..#唔開工唔剃鬚」
來源 source: http://hk.on.cc
|
鍾意就快D Share啦！
|
|
|