全城競猜！
前港姐朱智賢同人夫黎振燁偷食，成為全城熱話。「最索丫鬟」陳婉婷同黎振燁喺劇集《丫鬟大聯盟》合作過，陳婉婷力撐對方唔係負心漢，仲爆料話有「姣精」向黎振燁埋手：「有個平時喺人面前扮晒純情，但其實成日周圍姣人嘅女仔請佢食糖，佢即刻送畀第二個男仔。」咁個「姣精」究竟係邊個？網友都好想知！睇番《丫》有咩女藝人先，有黃心穎、湯洛雯、莊思明、劉思希等人！
東網搵嚟女主角湯洛雯問一問話，靚湯就話冇見過有人「姣」黎振燁：「冇留意其他人嘅事，而且當時同黎振燁冇對手戲，更加唔知道。」至於莊思明就話：「之前拍攝時，一班女仔會輪流買好多零食，然後一箱箱拎入廠畀大家食，唔見有人專登買嘢畀人食喎！（覺得陳婉婷抽水？）唔知呀！大家自己衡量只係覺得人哋嘅事唔應該加把嘴。」
來源 source: http://hk.on.cc
|
鍾意就快D Share啦！
|
|
|
