- 【發晦氣窒娛樂新聞台主播】呂慧儀不滿拍劇屢被採訪 目擊者周嘉洛：講嘢大聲啫
- 22小時前
由於武漢肺炎疫情嚴峻，不少公開活動被迫取消，無綫娛樂新聞台惟有向藝員同事埋手。呂慧儀對於在錄影廠頻頻被採訪，不勝其煩，竟然搵主播出氣！
有傳呂慧儀昨日（11日）在將軍澳電視城拍《愛·回家之開心速遞》時，疑不滿無綫娛樂新聞台頻頻來採訪，阻礙拍攝。當她聽到主播周佩婷問：「你今日有乜嘢講？」即被觸動神經，發晦氣窒她：「你知唔知我哋拍緊嘢㗎！」
據悉周佩婷是在放午飯時段「博一博」，希望爭取到在開工前10分鐘進行採訪，她與攝影師被窒後，一度無癮離開錄影廠。不過，呂慧儀平復心情後，最後亦有接受訪問。
周佩婷十分避忌，回覆傳媒時，只說：「唔係咁大件事，解決咗，唔好意思。」 而同劇的周嘉洛、吳偉豪及焦浩軒表示，拍攝以來未曾見過呂慧儀發火。事發時在場的周嘉洛說：「我見主播收到電話之後離開咗，對話間都冇火藥味，係正常對答。」談到呂慧儀平日的表現，他說：「佢（呂慧儀）非必要都唔會發火，只係講嘢大聲，聲線比較高啲，唔代表冇禮貌。」
呂慧儀則否認其事：「我冇㷫，根本唔存在，尋日佢入嚟我哋正放飯，自己公司嚟採訪當然歡迎。」 ----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
-----------------------------
【昔日紙本檔案庫】
30年壹仔經典 壹壹重現！
-----------------------------
【全新電子書平台｜壹本書】
《沙士風暴》全面揭露沙士真相
來源 source: http://nextplus.nextmedia.com
|
鍾意就快D Share啦！
|
|
|
