彭羚豪宅意外曝光。
電台DJ林海峰老婆彭羚日前喺社交網，上載於家中露台做運動嘅影片，意外令家居環境曝光，見佢望住一望無際嘅大海景，認真令人羨慕！
據知佢哋一家居住喺位於淺水灣嘅南山別墅，而該別墅前年一個高層近2,000平方呎嘅單位，更以高達9,900萬港元成交。其實彭羚以往都曾經上載唔少生活照，見佢除咗擁有自己嘅健身房，客廳位置亦放有超長梳化，環境相當闊落。而佢早前亦曾大晒到多倫多探親，喺大屋做運動嘅靚相，室內樓底亦非常高。
彭羚自1998年下嫁電台DJ林海峰，誕下兩女林泳、林清後便淡出娛圈，多年來甚少公開露面，直至2012年先激罕出山，為填詞人黃偉文演唱會「破例」踏台板獻唱。雖然幾乎絕迹娛圈，但佢近年就開設個人社交平台，不時分享在家大玩禪柔運動嘅相片，有傳佢有意開Studio做健身教練，並獲老公全力支持。
來源 source: http://hk.on.cc
|
鍾意就快D Share啦！
|
|
|
