掃呢頁CODE去手機

2020年4月13日 星期一

後生仔埋嚟睇:湯洛雯空姐Look勁索 155cm鄺潔楹越級挑戰 #湯洛雯 #鄺潔楹

大家鍾意邊個?無綫劇集《機場特警》熱播當中,除咗一班肌佬大大隻吸睛外,劇中演空姐嘅湯洛雯都係焦點之一,網友都大讚佢好襯呢個造型!拍呢套劇嗰時,佢仲擔心 ...




大家鍾意邊個?


無綫劇集《機場特警》熱播當中,除咗一班肌佬大大隻吸睛外,劇中演空姐嘅湯洛雯都係焦點之一,網友都大讚佢好襯呢個造型!拍呢套劇嗰時,佢仲擔心自己太肥,襯唔起套制服,覺得自己成個波咁,但依家反應咁好,唔使擔心空姐呢個角色,多年嚟都好多人演過,今次就盤點吓有咩靚女扮過


講到空姐,一定要提《衝上雲霄》系列,裏面嘅演空姐嘅人有陳慧珊、胡定欣、岑麗香、岑麗香、江美儀、孫慧雪等人。《衝上雲霄》絕對係陳慧珊嘅代表作,佢喺《萬千星輝賀台慶2003》拎到「我最喜愛的電視角色」,另外喺《Astro華麗台電視劇大獎2004》拎到「我的至愛女主角」同「我的至愛電視角色」,成為首屆「馬國雙料視后」。另外,其他人演嘅空姐都各有特色,岑麗香、孫慧雪喺劇中以水着示人,成為一時佳話!電影版方面,形象百變嘅佘詩曼扮演空姐,同古天樂有一段情,仲有火辣辣場面。


上年播出嘅《金宵大廈》Hit到爆,掀起追看潮!劇中李施嬅一人飾演兩角,故事以前世今生為背景,喺現代佢飾演空姐Alex,喺金宵大廈同陳山聰飾演嘅阿蕭相遇,後來發展出宿世姻緣!啱啱播完嘅《法證先鋒IV》,張曦雯飾演空姐Emma喺最後一個單元出場,仲帶出終極兇殺案,最後結局埋下伏筆,揭示張曦雯係終極Boss,喺《法證先鋒V》會再次登場。


講到最火辣空姐,非楊冪莫屬!楊冪喺《春嬌與志明》演空姐,喺機場同余文樂邂逅,當中有一幕泡麵之吻睇到人面都姐,話說因為啲麵太辣搞到濁親,之後伸條脷畀楊冪睇,楊冪二話不說一嘢錫落去,畫面相當香艷!


最後一位,簡直係越級挑戰!身高155cm嘅鄺潔楹為咗《學是學非》扮空姐,企喺高妹劉穎鏇隔離形成好大對比!鄺潔楹之前受訪時講過,呢個應該係佢人生中唯一一次扮空姐,因為佢相信冇劇集會搵佢做空姐呀!



來源 source: http://hk.on.cc
鍾意就快D Share啦!