二人正式甩拖後，事隔幾個月大家感情生活各自各精彩，本月初有《蘋果》讀者透過爆相爆片捕捉到馮盈盈前男友Martin已有新歡，手拖手一齊到流浮山下白泥睇日落。今日有報道爆馮盈盈在去年11月與一班後生仔飛溫哥華拍攝《後生仔傾吓偈》特輯，認識在當地土生土長的鄭衍峰，他作地主之誼做嚮導帶劇組周圍去，令兩人開始熟落，並萌芽戀情，又共同度過去年12月31日的除夕夜。新歡鄭衍峰現職無綫娛樂新聞台主播，有大隻仔之稱的小鮮肉，閒時經常健身操肌，單看外表雖然皮膚白白書生型，但脫去上衣後一身爆肌，目測巨胸達43吋。
報道又指兩人進入熱戀期，節目《後生仔傾吓偈》專為馮盈盈炮製一個「SPEED DATING單身派對」，安排九位小鮮肉向女神馮盈盈示愛，馮盈盈不避嫌提議監製找鄭衍峰做其中一位小鮮肉，在節目中鄭衍峰預備了一封情書給馮盈盈，內容提及到︰「16歲開始拖人手仔，咁多年來被人飛過，又飛過人，終於明白愛情真諦。就係要愛女朋友，寵女朋友，錫女朋友，最緊要o氹女朋友。行年28，仲係一支公，希望盈盈女神收我為你條仔，必定每天愛你多一些。」可以名正言順表白。事後鄭衍峰被問到和女神馮盈盈拍拖一事，他回應：「未睇報道，唔好意思，要了解番先。」而馮盈盈昨日在IG上載一張露腿相片，並留言︰「When hard times are over,will you take me out for a ride？（當困難的時間過了，你會帶我出去兜個圈嗎？）」不知是否有所暗示。
之不過，《蘋果》向馮盈盈求證此事，她支吾以對：「公司政策，唔方便回應。」
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|
