網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年4月4日 星期六

直擊曼谷宵禁第一晚 胡慧冲:條街靜到有啲淒涼

搭正晚上十點開始宵禁啦。
直擊曼谷宵禁第一晚胡慧冲:條街靜到有啲淒涼搭正晚上十點開始宵禁啦。為減低新冠肺炎疫情,昨日係泰國進入緊急狀態令第9天,亦係曼谷第一晚宵禁,居泰港人胡慧 ...




直擊曼谷宵禁第一晚 胡慧冲:條街靜到有啲淒涼

搭正晚上十點開始宵禁啦。

為減低新冠肺炎疫情,昨日係泰國進入緊急狀態令第9天,亦係曼谷第一晚宵禁,居泰港人胡慧冲(Roger)分別喺屋企騎樓,屋苑大門口直擊晚上十時後宵禁的狀況。他形容,條街真係靜到有啲淒涼感覺,但他希望今次大家可以唔出街,齊心嚟抗疫,若然大家唔聽話「攬炒」,確診數字愈嚟愈多嘅話,泰國政府有可能進一步實施24小時宵禁,咁到時就冇得外出拍片了。

宵禁令由每晚十點至凌晨四點,所見首晚宵禁中嘅曼谷市面水靜河飛,成條大街冇車又冇人,只見警車巡邏,Roger說:「泰國呢度好耐冇試過宵禁,十年前經歷過紅衫軍,相對今次宵禁,氣氛其實唔緊張,同埋喺宵禁前,商場、店鋪、按摩店、酒吧、娛樂場所等全關門,大家冇得去蒲,早已適應咗市面嘅寧靜。」

宵禁中曼谷條街冇車冇人。
宵禁中曼谷條街冇車冇人。
喺屋企着禮服食法國餐都好滋味, 唔使趕喉趕命十點前回家。

喺屋企着禮服食法國餐都好滋味, 唔使趕喉趕命十點前回家。

他又搞鬼打上煲呔換上禮服,喺宵禁前嘆法國晚餐!其實只係自我感覺良好,叫咗法國菜外賣回家,幻想去咗法國餐廳食大餐:「外賣都好味㗎,$300幾蚊港幣已柯打到黑松露湯、法國田螺撻、法式田雞腿、炸薯條、寬條麵,仲配埋汽水。」同時,他又將食外賣相拼貼落日本旅行舊相,笑言要開開心心帶出正能量:「宵禁又唔係失禁,唔係世界末日,唔好太傷感,應該喺疫情中互相扶持,𠵱家泰國佛廟免費派發口罩及飯餐畀失業人士,發揮互助精神。」

外賣法國菜都好好味,折合港幣只係三百幾蚊。

外賣法國菜都好好味,折合港幣只係三百幾蚊。
喺緊急狀態令下,打卡點Khao San road靜過鬼。

喺緊急狀態令下,打卡點Khao San road靜過鬼。


幻想喺日本邊做spa嘆美食。

幻想喺日本邊做spa嘆美食。

鍾意就快D Share啦!