- 【商台DJ梁子友人確診】細So爭取在家錄音變死罪 杜汶澤幫拖爆粗鬧腰斬最後節目
- 42分鐘前
昨日為商台效力20年的DJ細So（蘇耀宗）被炒，事出突然，原定他昨晚最後一集節目《生活日常》也被腰斬，未能跟聽眾道別！
細So老婆為夫心痛，在ig留言：「半世人，只係打過一份工，捱生捱死二十年，到最後，一句再見都唔畀講，真係咁驚？」
細so坦言本想在商台終老，畢竟他一生人才只有這份工。他亦拍片「報平安」：「雖然冇得喺《生活日常》同大家見面，同埋聽到我把聲，但係我哋可以係日常生活度見面，Nothing's gonna change my world（沒任何事會改變我的世界） ，多謝你哋，Good Night！」
由於大家用同一個咪，又在密封的細小空間工作，之後如常開咪的鄭裕玲、阮兆祥等做足防疫措施，林海峰更在咪前加設防疫隔毒膠板。 細So向商台爭取，希望可重回疫症初期DJ在家主持節目的做法，減少員工之間的接觸。有指他跟商台行政總裁陳靜嫻當面對質，加上之前因減薪問題，雙方有嫌隙，結果埋下禍根。
有商台中人表示，細So希望在家工作保障員工健康，但陳靜嫻就認為DJ們在家工作效率低，強硬要求員工繼續返商台做節目。
月前商台叱咤903總監林若寧離職之後，陳靜嫻直接管理二台，內部「準則」愈見收緊，如《願榮光歸香港》上不到榜，因而不入選「我最喜愛歌曲」的票選環節，免商台要「有手尾」。 細So慘被裁走，不少商台同事都感不捨，森美亦主動為他求情。
而曾在商台主持節目的杜汶澤，昨日在facebook留言撐他：「支持你，細So！出面大把世界！」凌晨一點，杜汶澤再爆粗鬧陳靜嫻：「條氣唔順，Ｘ多句至瞓！Rita你自己on X得咖！經濟唔好炒人，有乜理由連人哋最後一日節目都唔畀做呀？你幾多歲至學識講大話呀？唔畀人返去開咪你唔係驚人哋爆X你呀嘛？人哋真係要咁做，唔識自己出post咩？我就放長雙眼睇吓你呢鑊過唔X過到骨！」 ----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
-----------------------------
【昔日紙本檔庫】
30年壹仔經典 壹壹重現！
-----------------------------
【全新電子書平台｜本書】
《沙士風暴》全面揭露沙士真相
來源 source: http://nextplus.nextmedia.com
|
鍾意就快D Share啦！
|
|
|