ViuTV啲行山節目真係好正！一個阿妹岑樂怡台灣行山，同你強調1997年7月1日係個好慘嘅日子；另一個由兩位double may沈殷怡同陳欣妍，著住三點式一跌一宕行山，你都咪話唔過癮。
兩個行山節目，各有所長。
阿妹的《台灣山步行》，認認真真行勻台灣名山大川，真係一步一腳印咁去征服。而且，為咗睇靚景，行到出晒汗點知又落雨，變咗落湯雞又刮風，過程之艱辛唔講得笑。更加唔講得笑嘅係，1997年7月1日呢一日。
是咁的，阿妹上一集去到阿里山神木區，講到其中一棵有3000年壽命的參天巨木，正正就喺1997年7月1日倒塌。呢個日子，香港人聽到會好敏感，阿妹都唔例外，表情立即變得複雜，語氣亦鄭重咁話：「香港人可以注意一下年份，1997年7月1日。」然後深呼吸再大嘆一口氣，繼而高八度講：「好慘呀，神木跌咗落嚟呀！」
雖然聯絡ViuTV及阿妹方面，得到「唔方便回應」嘅回覆，但網民就好有反應，多人留言：「1997年7月1日倒下了」、「兇兆」、「咪即係香港回歸時間」、「Not回歸，係陷落」、「香港淪陷日」、「預言之木」、「神木等於香港嘅命運」。
有人話係抄大台《3日2夜》專門賣肉吸引觀眾，係都唔差，何況勝在唔係，睇住沈殷怡同陳欣妍兩個靚女被節目組惡搞，本以為開開心心靚靚女女介紹下風景，點知最後一刻先發現被「賣豬仔」，唔係被逼入蝙蝠洞，就係要夜訪疑似鬼屋，轉個頭又要山崖遊繩兼爬埋瀑布，難怪兩個靚女拍到一殼眼淚，啲鼻涕仲成個《蠟筆小新》阿呆咁，喊住嗌：「你唔好逼我啦，我唔玩喇，媽咪呀！你係咪黐線㗎導演，憎死你呀，都唔係行山節目嚟嘅！」唔知觀眾係睇到因憐生愛，定係笑晒口咁睇人_ _最開心呢？ ----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
-----------------------------
【昔日紙本檔庫】
30年壹仔經典 壹壹重現！
-----------------------------
【全新電子書平台｜本書】
《沙士風暴》全面揭露沙士真相
來源 source: http://nextplus.nextmedia.com
|
鍾意就快D Share啦！
|
|
|