2020年5月21日星期四

【勁吸睛】520出海晒身材索媽張名雅疑似凸點派福利 #張名雅

【勁吸睛】520出海晒身材索媽張名雅疑似凸點派福利

對比做女時，靚媽張名雅依然好索。

已為人妻兼潮媽嘅前港姐張名雅(Carat)下嫁律師老公四年，育有一對寶貝蔡浚鏗（Mario）及蔡俊軒（Milo）。雖然經已係兩子之母，但身材一啲都冇走樣，相反回復八年前選美身材，三圍係34C、23、34，好鬼索。趁住新劇《七公主》未開工，加上昨天係520嘅特別日子，戴上黑超，換上藍色一件頭泳衣的Carat出海耍樂兼Po相晒身材，感性留言：「有時候一陣風是那麼輕快，那麼高興。有時候帶著淡淡清愁，有時候潤潤的帶些温柔！你的天空今天又是什麼顏色呢？#520 #happy520 #wakesurf #我愛你#520快樂。」

相中張名雅身材唔止有睇頭，長腿仲好養眼，就算變咗人母，仍毫不吝嗇晒索爆身材。不過，竟然有眼利網民發覺身穿藍色一件頭泳衣的她疑似凸點，令人想入非非，興奮留言：「飛釘！」連老友岑潔儀都忍唔住話：「Too hot babe！」亦有唔少人讚她靚媽、更青春可愛、甜美迷人、女神等。